Թուրքիայում ընտրությունների նախաշեմին Թվիթերում ռուսալեզու հազարավոր օգտահաշիվներ վերաակտիվացել են որպես թուրքական

Մայիսի 14-ին Թուրքիայում կայանալիք ընտրություններից շաբաթներ առաջ ռուսալեզու և հունգարալեզու հազարավոր օգտատերեր վերակտիվացվել են Թվիթերում, ինչը մեծացնում է սոցիալական ցանցերի միջոցով ընտրություններին միջամտելու հավանականությունը: Քաղաքական խորհրդատվական և հետազոտական Datailor ընկերության գլխավոր մենեջեր Ահմեթ Թուրան Հանը Middle East Eye-ին ասել է, որ իր ընկերությունը հանդիպել է թվիթերյան օգտատերերի ցանցի, հավանաբար, բոտերի, որոնք վերջերս փոխել են իրենց ինքնությունը:

«Վերջին ամիսնեին մենք դիտարկել ենք, որ բազմաթիվ գոյություն ունեցող թուրքական հաշիվներ վերաակտիվացվել են ընտրություններից առաջ, ինչը նորմալ է։ Սակայն դրանցից մի քանիսը հատկապես հետաքրքիր են, քանի որ թուրքական չեն»,-ասել է լրատվամիջոցին Հանը։

Նա հայտնել է, որ իր ընկերությունն ամենօրյա սոցիալական մեդիայի տվյալների վերլուծության ծառայություններ է մատուցում սննդի և ծառայությունների ոլորտում գործող խոշոր ընկերություններին, և հենց այդպես էլ պատահականորեն բախվել են այդ ցանցին:

«Մոտ 12,000 ռուսալեզու ու հունագախոս սոցիալական մեդիա օգտահաշիվներ ակտիվացել են,ծ որպես թուրքականներ և հիմա հետևում են քաղաքական կուսակցություններին ու առաջնորդներին։ Դրանցից մոտ 10,000-ը ակտիվացել են վերջին երկու շաբաթներին»,-ասել է Հանը։

Նա նշել է, որ որ այս հաշիվների 56 տոկոսը նախկինում կիսվել է ռուսերեն, 28 տոկոսը՝ հունգարերեն, իսկ մնացածը՝ անգլերեն բովանդակությամբ։

Թուրքական Twitter-ի դաշտը  հատկապես հակված է տրոլինգի և կեղծ լուրերի արտադրությանը, քանի որ հիմնական քաղաքական կուսակցությունները՝ և՛ իշխող, և՛ ընդդիմադիր, իրենց օրակարգը մղում են, այսպես կոչված, բոտային հաշիվների միջոցով:

Ի դեպ, 2020 թվականին  թվիթերը Թուրքիայում փակել է մոտ 7340 հաշիվ՝ պնդելով, որ դրանք «պետության հետ կապված տեղեկատվական գործողություններ են»։

Հանը  նաև հավելել է, որ Թուրքիայի նախագահի թեկնածուներ Ռեջեփ Թայիփ Էրդողանը, Քեմալ Քըլըչդարօղլուն և Մուհարեմ Ինջեն բոլորն էլ  ունեն բոտ հետևորդներ։

Էմմա Չոբանյան