Քաղաքականություն
18.04.2023 | 17:59
Մոսկվայում ԱՄՆ-ի, Կանադայի ու Մեծ Բրիտանիայի դեսպանները կանչվել են ՌԴ ԱԳՆ «Ռուսաստանի գործերին խառնվելու ու դիվանագիտական կարգավիճակին անհամապատասխան գործունեության համար», գրում է ՏԱՍՍ-ը։
Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան Մեծ Բրիտանիայի, ԱՄՆ-ի և Կանադայի դեսպանների հայտարարությունները հրապարակախոս, ընդդիմադիր գործիչ Վլադիմիր Կարա-Մուրզայի վերաբերյալ նրա դատավճռի հրապարակումից հետո ուղղակի միջամտություն էր անվանել Ռուսաստանի ներքին գործերին։ Նա հայտարարել էր, որ Մոսկվան անընդունելի է համարում Մեծ Բրիտանիայի դեսպան Դեբորա Բրոներտի հայտարարությունները Կարա-Մուրզայի դատավճռից հետո և Լոնդոնին «զգուշացրել մարդու իրավունքների միջազգային հարցերի քաղաքականացումից»։ Զախարովան նաև «ցինիզմի գագաթնակետ» էր անվանել ԱՄՆ և Կանադայի դեսպանների պահանջները՝ ազատ արձակել Կարա-Մուրզային։
Հավելենք, որ նախօրեին Մոսկվայի քաղաքային դատարանը ընդդիմադիր գործիչ Կարա-Մուրզային դատապարտել էր 25 տարվա ազատազրկման։
Էմմա Չոբանյան
