17.02.2026 | 16:12
Մակրոնը Հնդկաստան այցի ժամանակ նախատեսում է Rafale կործանիչների խոշոր գործարք կնքել
«Գյումրիի քաղաքապետն իմ ընկերն է, նրանից նեղացած չեմ»․ աշխատանքից ազատվել է քաղաքապետի օգնականը
Քաղաքականություն
17.04.2023 | 22:20
Գյումրիի քաղաքապետի օգնական Արման Շաբոյանը, որը տարբեր պաշտոններ է զբաղեցրել Գյումրու քաղաքապետարանում, 2021 թվականի ՏԻՄ ընտրություններին էլ գլխավորել է « Բալասանյան դաշինքի» նախընտրական շտաբը, հեռացել է քաղաքապետարանից։ Նա մարտի 27-ին ազատման դիմում է ներկայացրել Վարդգես Սամսոնյանին։
Արման Շաբոյանը գյումրեցիներին շնորհակալություն է հայտնել՝ նշելով, որ թե՛ կոմունալ ծառայության տնօրենի տեղակալի և թե՛ համայնքի ղեկավարի օգնականի պաշտոնները ստանձնելիս «մեծ ոգևորությամբ և սրտացավությամբ է կատարել իր պարտականությունները»։
Թե որն է նրա աշխատանքից ազատման պատճառը, այս մասին Արման Շաբոյանը գրեթե ոչինչ չի ասում, միայն նշում է, որ ստեղծված իրավիճակում չէր կարող դրսևորել իր գիտելիքներն ու կարողությունները։
Իսկ թե ինչպիսի իրավիճակ է ստեղծվել, չի պարզաբանում, միայն ասում է, որ Վարդգես Սամսոնյանը իր մոտ ընկերն է և նրա հետ շարունակում է իր լավ հարաբերությունները։
«Գյումրիի քաղաքապետն իմ ընկերն է, նրանից նեղացած չեմ»,- ասում է Արման Շաբոյանը։
Արմիկ Մովսիսյան
