15.12.2025 | 09:31
Երևանի քաղաքապետարանի գործակարգավարական նիստը. ՈՒՂԻՂ
Ուկրաինայի հետախուզության ղեկավարը հայտարարել է, որ Պենտագոնի արտահոսքերը չեն խանգարի Կիևի հարձակմանը
Քաղաքականություն
14.04.2023 | 23:21
ABC հեռուստաալիքը հրապարակել է Ուկրաինայի պաշտպանության նախարարության հետախուզության գլխավոր վարչության պետ Կիրիլ Բուդանովի հետ առաջին հարցազրույցը Պենտագոնից գաղտնի փաստաթղթերի արտահոսքից հետո, գրում է BBC-ի ռուսական ծառայությունը։
Հարցազրույցը տեղի է ունեցել չորեքշաբթի երեկոյան Կիևում, երբ արտահոսքի մեջ կասկածվողների մասին դեռ տեղեկություններ չկային։ Մեկ օր անց, փաստաթղթերի արտահոսքի կասկածանքով ձերբակալվել է երիտասարդ ազգային գվարդիական Ջեք Թեյշեյրան։
Բուդանովը հայտարարել է, որ միակ կողմը, որը օգուտ է ստացել այդ արտահոսքից՝ Ռուսաստանն է։ Միաժամանակ, նա ընդգծել է, որ սպասվելիք ուկրաինական հարձակումը ամեն դեպքում լինելու է։ Նա նշել է, որ արտահոսքը «չի կարողանա ազդել հարձակողական գործողության արդյունքների վրա»։
Փաստաթղթերը, որոնց իսկությունը Պենտագոնը չի վիճարկում, խոսում է նաև Ուկրաինայի զինված ուժերում բավականին լուրջ խնդիրների մասին։ Մասնավորապես, նշվում է ՀՕՊ զինամթերքի պաշարների արագ նվազման մասին ու կասկածի տակ է դրվում այն պնդումը, որ վաղուց պատրաստվող ուկրաինական հարձակումը թույլ կտա Ռուսաստանին պարտության մատնել։
Էմմա Չոբանյան
