25.11.2024 | 10:44
Տպավորություն է՝ փրկօղակ եք ուզում սարքեք, ասեք՝ անհասկանալի ընկերությունում ներդրում արեք․ Խաչատրյան․ ՏԵՍԱՆՅՈՒԹ
Մոլդովայում ռուսամետ կուսակցության առաջնորդ Շորը դատապարտվել է 15 տարվա ազատազրկման
Քաղաքականություն
14.04.2023 | 22:46
Մոլդովայի մայրաքաղաք Քիշնևի դատարանը հեռակա կարգով 15 տարվա ազատազրկման է դատապարտել գործարար և ռուսամետ ընդդիմադիր «Շոր» կուսակցության առաջնորդ Իլան Շորին, ֆեյսբուքյան իր էջում հայտնել է Մոլդովայի նախագահ Մայա Սանդուն, փոխանցում է DW-ի ռուսական ծառայությունը։
«Իլան Շորը 15 տարի կանցկացնի բանտում, և նրա ունեցվածքը կբռնագրավվի, այդպես է որոշել Վերաքննիչ դատարանը»,- գրել է նա։
Դատավճիռը հաստատել է նաեւ Քիշնևի վերաքննիչ դատարանը։
«Շորը դատապարտվել է 15 տարվա ազատազրկման։ Դատապարտյալը պետք է վերադարձնի ավելի քան 5,2 միլիարդ լեյ (մոտ 288 միլիոն դոլար)»,- ասվում է դատարանի կայքէջում տեղադրված հաղորդագրության մեջ։ Ինքը՝ Շորը, որոշումն անօրինական է անվանել։
«Այսօրվա որոշմամբ իշխանություններն ինձնից վրեժ են լուծում բողոքի շարժման, այն բանի համար, որ ես և իմ թիմը պայքարում ենք քաղաքացիների արժանապատիվ կյանքի համար, այս որոշումը ինձ ամենևին չի անհանգստացնում, նշանակություն չունի. ես ընդհանրապես չեմ պատրաստվում ենթարկվել, այս որոշումը կչեղարկվի գործող ռեժիմի փոփոխությունից հետո ուղիղ երկրորդ օրը»,- ասել է Շորը Telegram-ի իր ալիքում։
Շորը Մոլդովայի բանկային համակարգից 1 մլրդ դոլարի դուրսբերման հետ կապված սկանդալով անցնողներից մեկն էր։ Սկանդալը մեծ աղմուկ էր բարձրացրել 2015 թվականին, բողոքի ցույցեր հրահրվեցին Քիշնևում և հանգեցրին երկու կառավարությունների և եվրոպամետ կուսակցությունների իշխող կոալիցիայի տապալման, որոնք աջակցում էին ԱՄՆ-ին և ԵՄ-ին: Շորը կարողացել է արդարադատությունից խուսափել՝ թաքնվելով Իսրայելում։
Տաթև Ֆռանգյան
