25.11.2024 | 10:18
Վրաստանի խորհրդարանում գործարկվել է անվտանգության դեղին մակարդակ
ԵՄ խորհուրդը հավանություն է տվել Ուկրաինային արկերի մատակարարման համար 1 միլիարդ եվրոյի հատկացմանը
Քաղաքականություն
13.04.2023 | 21:23
Եվրամիության խորհուրդը հավանություն է տվել Խաղաղության եվրոպական հիմնադրամի (ԵՀՀ) շրջանակներում 1 միլիարդ եվրոյի հատկացմանը՝ Ուկրաինայի զինված ուժերին աջակցելու համար։ Այս մասին հինգշաբթի հաղորդվում է խորհրդի կայքում։
Այս միջոցը ԵՄ-ին թույլ կտա անդամ պետություններին փոխհատուցել 2023 թվականի փետրվարի 9-ից մայիսի 31-ն ընկած ժամանակահատվածում Ուկրաինա տեղափոխված զինամթերքի արժեքը՝ առկա պաշարներից կամ առկա պատվերների վերահաստատման միջոցով:
ԵՄ արտաքին և անվտանգության քաղաքականության հարցերով բարձր ներկայացուցիչ Ժոզեպ Բորելը նշել է, որ այս որոշումն իրականացնում է Եռակողմ մոտեցման վերաբերյալ խորհրդի համաձայնագրի առաջին մասը, որն ուղղված է արագացնելու հրետանային զինամթերքի մատակարարումն ու համատեղ գնումները։ Նախորդ 7 տրանշների հետ միասին ԵՄ ընդհանուր ներդրումը հասել է 4,6 միլիարդ եվրոյի։
Հիշեցնենք, որ մարտի 20-ին ԵՄ երկրները համաձայնության են եկել Ուկրաինային 12 ամսվա ընթացքում 1 մլն արկ մատակարարելու ծրագրի շուրջ։ Այս նախագծին միացել է 18 երկիր։
