17.05.2026 | 19:17
«Սուրբ Հովհաննես» մատուռ բարձրացող սարալանջին քաղաքացին վնասել է ոտքը․ փրկարարներն են օգնության հասել
ԱՄՆ-ը վիզաներ չի տրամադրել ՄԱԿ-ի Անվտանգության խորհուրդը նախագահող ռուսական պատվիրակությանը
Քաղաքականություն
13.04.2023 | 21:50
Ապրիլին Նյու Յորքում ՄԱԿ-ի Անվտանգության խորհրդի նիստը պետք է նախագահի ՌԴ ԱԳ նախարար Սերգեյ Լավրովը, սակայն ԱՄՆ-ը դեռևս թույլտվություն չի տվել նախարարի հատուկ ինքնաթիռի ժամանման և ռուսական պատվիրակության վիզաների համար։ Այս մասին հայտնում է CNN-ը։
ԱՄՆ-ում Ռուսաստանի դեսպան Անատոլի Անտոնովն ասել է․ «Մենք կոչ ենք անում Վաշինգտոնին չհետաձգել վիզաների տրամադրումը մեր պատվիրակությանը, այդ թվում՝ մեր լրագրողներին»։Անտոնովն ընդգծել է, որ թեև այս իրադարձությանը դեռ մի քանի օր է մնացել, բայց դեռևս հստակություն չկա։
Հիշեցնենք, որ Անվտանգության խորհուրդը բաղկացած է ՄԱԿ-ի հինգ մշտական անդամներից՝ Ռուսաստան, Մեծ Բրիտանիա, Ֆրանսիա, ԱՄՆ և Չինաստան, որոնք ունեն վետոյի իրավունք, ինչպես նաև ռոտացիոն սկզբունքով անդամ 10 երկրներ։ Ավելի վաղ հայտնել էինք, որ Ռուսաստանը մեկ ամիս նախագահելու է ՄԱԿ-ի Անվտանգության խորհրդում։
