19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Կատալոնիան պատմության մեջ ամենասարսափելի երաշտին է բախվել. տարածաշրջանում գյուղատնտեսությունը կործանման եզրին է․ ԼՈՒՍԱՆԿԱՐՆԵՐ
Քաղաքականություն
04.04.2023 | 23:19
Իսպանիայի հյուսիս-արևելքում գտնվող Կատալոնիայի շրջանը վերջին տասնամյակների ընթացքում ամենավատ երաշտին է բախվել: Կատալոնիայի չորս շրջաններում հայտարարվել է սպառնալիքի «նարնջագույն»՝ ամենաբարձր մակարդակ, աղետից տուժում է մոտ 6 միլիոն մարդ, գրում է BBC-ն։
Սաու ջրամբարում ձկներին բռնում են ցանցերով, որպեսզի չսատկեն և չնեխեն ջրում՝ այն խմելու համար անպիտան դարձնելով: Մնացած ջուրն ուղղորդվում է մեկ այլ ջրամբար՝ նվազագույնի հասցնելով տիղմով աղտոտման վտանգը:
«Մենք փորձում ենք որքան հնարավոր է՝ արագ ջուրը տեղափոխել, քանի որ ձմռանը ջրի որակը լավն էր, բայց գարնանը շատ-շատ է վատանում։ Մենք փորձում ենք հանել բոլոր ձկները, որ կարողանում ենք գտնել այնտեղ»,- ասել է Կատալոնիայի ջրային ռեսուրսների գործակալության (ACA) տնօրեն Սամուել Ռեյեսը:
Սաու ջրամբարը Բարսելոնայից 100 կմ հեռավորության վրա է և արդեն կես դար է՝ ջուր է մատակարարում քաղաքին ու Կատալոնիայի հյուսիս-արևելքում գտնվող այլ բնակավայրերի։
Կատալոնիայի այս հատվածում արդեն 2.5 տարի է՝ շարունակական անձրևներ չեն տեղացել։ Մարտի սկզբին ջրամբարում ջրի մակարդակը նվազել է դրա տարողության 8% -ով։
Տաթև Ֆռանգյան
