26.02.2026 | 18:37
Մանկապարտեզների աշխատողների աշխատավարձերը կբարձրանան 15-20 տոկոսով․ Ավինյան
Հռոմի Ֆրանցիսկոս պապը հոսպիտալացվել է
Քաղաքականություն
30.03.2023 | 13:21
Հռոմի Ֆրանցիսկոս պապը գիշերն անցկացրել է Հռոմի Ջեմելի հիվանդանոցում՝ չորեքշաբթի շնչառական ինֆեկցիայով հոսպիտալացվելուց հետո։ Վերջին օրերին 86-ամյա քահանայապետը բողոքել է վատ շնչառությունից։ Վատիկանի հայտարարության մեջ ասվում է, որ նրա մոտ COVID-19 չի հայտնաբերվել, գրում է Euronews-ը։
Հռոմի պապը նախկինում ևս երբեմն շնչահեղձություն ունեցել է և, ընդհանուր առմամբ, ավելի շատ է վարակվում սուր շնչառական հիվանդություններով, քանի որ 20 տարեկանում, երբ դեռ հայրենիքում՝ Արգենտինայում հոգևոր կրթություն էր ստանում, հեռացվել է նրա թոքի մի մասը։
Ակնկալվում է, որ Հռոմի պապը հիվանդանոցում կանցկացնի ևս մի քանի օր։
Տաթև Ֆռանգյան
