14.09.2026 | 20:06
Հայաստանի և Վրաստանի ՆԳ նախարարները քննարկել են հանցավորության դեմ պայքարի և անվտանգության ոլորտում համագործակցությունը
Ադրբեջանում հարձակում է իրականացվել Մեջլիսի պատգամավորի նկատմամբ․ Բաքուն այն որակում է, որպես «ահաբեկչություն»
Քաղաքականություն
29.03.2023 | 12:17
Ադրբեջանի Միլլի Մեջլիսի պատգամավոր Ֆազիլ Մուստաֆան նախօրեին երեկոյան ենթարկվել է զինված հարձակման իր տան մոտ, հայտնում են ադրբեջանական լրատվամիջոցները։ Հաղորդվում է, որ պատգամավորը հրազենային վիրավորում է ստացել ուսի և ոտքի շրջանում։ Մուստաֆան տեղափոխվել է հիվանդանոց, որտեղ վիրահատության է ենթարկվել, նրան կյանքին վտանգ չի սպառնում։ Թեև հարձակման հանգամանքները բացահայտված չեն, Բաքուն այն արդեն բնութագրում է իբրև «ահաբեկչական գործողություն»։ Մասնավորապես, պետանվտանգության ծառայությունը հայտարարել է, որ «ահաբեկչությունն իրականացվել է «Կալաշնիկով» ինքնաձիգով Մուստաֆայի տան մոտ։
«Պատգամավորի հարձակման և վիրավորման դեպքի առթիվ Պետական անվտանգության ծառայության քննչական գլխավոր վարչությունում հարուցվել է քրեական գործ՝ 277 (պետական կամ հասարակական գործչի նկատմամբ մահափորձ՝ նրա պաշտոնական կամ քաղաքական գործունեությունը դադարեցնելու կամ այդ գործունեության համար հաշվեհարդար տեսնելու նպատակով) և 228.2.1 (զենքի ապօրինի շրջանառություն՝ նախնական համաձայնությամբ) հոդվածներով»,-ասվում է հաղորդագրության մեջ։
Էմմա Չոբանյան
