18.12.2025 | 12:34
Վրաստանն արգելել է իր քաղաքացիներին քվեարկել արտասահմանում գտնվելու ընթացքում
Օլիգարխների չեմ ճանաչում, խոշոր գործարարների գիտեմ, որոնք նվիրատվություն են կատարում․ ՏԵՍԱՆՅՈՒԹ
Քաղաքականություն
27.03.2023 | 12:29
«Օլիգարխների ես չեմ ճանաչում, որ գործունեություն են ծավալում Հայաստանում, չգիտեմ ում նկատի ունեք օլիգարխ ասելով, ես գիտեմ գործարարների, խոշոր գործարարների, որոնք հիմնադրամին նվիրատվություններ անում են»,- այս մասին այսօր լրագրողների հետ հանդիպման ժամանակ ասաց «Իմ քայլը» հիմնադրամի գործադիր տնօրեն Մխիթար Հայրապետյանը:
«Ես ջանք ու եռանդ չեմ խնայում, որ այդ գործարարների թիվը մեծանա, բայց մեզ համար ավելի կարևոր է, որ կարողանանք ֆինանսավորման ինստիտուցիոնալ մեխանիզմ ներդնել, որը հնարավորություն կտա ոչ թե մեկ հոգուց 1000 դոլար վերցնել, այլ 1000 հոգուց մեկական դոլար: Սա կայունության տեսակետից կարևոր քայլ կլինի»,- նշեց Հայրապետյանը:
Նրա խոսքով՝ եթե զուգահեռ լինեն խոշոր փոխանցումներ, ապա քանի որ դրանք հանրային բարիք պետք է ստեղծեն, «Իմ քայլը» հիմնադրամը պետք է վերցնի և նպատակային ծախսի այդ միջոցները:
«Ես բոլորին հորդորել եմ, որ հրապարակեն իրենց անունները և չմնան անանուն, որովհետև կարծում եմ, որ որևէ մեկը ամաչելու ոչինչ չունի»,- ասաց «Իմ քայլը» հիմնադրամի գործադիր տնօրենը:
Մանրամասները՝ տեսանյութում:
