16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԵՄ-ն պատրաստ է նոր պատժամիջոցների, եթե Ռուսաստանը միջուկային զենք տեղակայի Բելառուսում․ Բորել
Քաղաքականություն
26.03.2023 | 20:18
Եվրամիությունը պատրաստ է նոր պատժամիջոցներ կիրառել այն դեպքում, եթե Ռուսաստանը մարտավարական միջուկային զենք տեղակայի Բելառուսում։ Այս մասին կիրակի օրը հայտարարել է ԵՄ արտաքին ծառայության ղեկավար Ժոզեֆ Բորելը, հաղորդում է ՏԱՍՍ-ը։
«Բելառուսը դեռ կարող է կանգնեցնել, դա նրանց ընտրությունն է: ԵՄ-ն պատրաստ է պատասխանել հետագա պատժամիջոցներով»,- գրել է Բորելն իր Twitter-ում։ Բորելը նաև Բելառուսի կողմից ռուսական միջուկային զենքի տեղակայումն անվանել է «էսկալացիա և սպառնալիք եվրոպական անվտանգությանը»:
Ավելի վաղ ՌԴ նախագահ Վլադիմիր Պուտինը հայտարարել էր, որ Ռուսաստանի Դաշնությունը բելառուսական կողմի խնդրանքով կտեղակայի իր մարտավարական միջուկային զենքը Բելառուսում, ինչպես Միացյալ Նահանգները վաղուց է անում իր դաշնակիցների տարածքում։ Մոսկվան արդեն Մինսկին է հանձնել «Իսկանդեր» համալիրը, որը կարող է միջուկային զենք կրող լինել։ Ռուսաստանի ղեկավարի խոսքով՝ Բելառուսի տարածքում մարտավարական միջուկային զենքի պահեստավորման շինարարությունը կավարտվի հուլիսի 1-ին։
