15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Ռուսաստանը մարտավարական միջուկային զենք կտեղակայի Բելառուսի տարածքում
Քաղաքականություն
26.03.2023 | 12:45
Բելառուսի նախագահ Ալեքսանդր Լուկաշենկոն երկար ժամանակ է բարձրացրել է իր երկրի տարածքում ռուսական մարտավարական միջուկային զենքի տեղակայման հնարավորության հարցը: Այս մասին հայտարարել է ՌԴ նախագահ Վլադիմիր Պուտինը «Մոսկվա. Կրեմլ. Պուտին» հաղորդաշարի ժամանակ, որից մի հատված հեռարձակվել է «Россия 24» հեռուստաալիքի եթերում։
«Ինտերֆաքս»-ի փոխանցմամբ՝ Ռուսաստանի ղեկավարն ասել է, որ Բելառուսում արդեն կա մարտավարական միջուկային զենք կրելու ունակ 10 ինքնաթիռ։
«Մենք պայմանավորվեցինք, որ դա կանենք՝ առանց խախտելու մեր պարտավորությունները, չխախտելով միջուկային զենքի չտարածման վերաբերյալ մեր միջազգային պարտավորությունները։ Մենք արդեն օգնել ենք մեր բելառուս գործընկերներին և վերազինել նրանց ինքնաթիռները՝ Բելառուսի ռազմաօդային ուժերի ինքնաթիռները: Ինքնաթիռները պատրաստ են նման տիպի զինատեսակների օգտագործմանը»,- ասել է Պուտինը։
ՌԴ նախագահը հայտնել է, որ Ռուսաստանը Բելառուսին է փոխանցել «Իսկանդեր» հրթիռային համակարգը։ «Այն կարող է լինել նաև (մարտավարական միջուկային զենքի) կրող, ապրիլի 3-ից սկսելու ենք անձնակազմերի պատրաստումը, իսկ հուլիսի 1-ին Բելառուսի տարածքում կավարտենք տակտիկական միջուկային զենքի հատուկ պահեստի կառուցումը», – ասել է Պուտինը։
