05.11.2024 | 14:42
Սամբոյի աշխարհի առաջնությանը Հայաստանը կներկայանա մեծաթիվ պատվիրակությամբ
Միջազգային քրեական դատարանի անդամ երկրները պետք է կալանավորեն Պուտինին․ Բլինքեն
Քաղաքականություն
23.03.2023 | 13:54
ԱՄՆ պետքարտուղար Էնթոնի Բլինքենը հայտարարել է, որ ցանկացած եվրոպական երկիր, որը Միջազգային քրեական դատարանի (ՄՔԴ) կողմ է, պետք է կալանավորի Վլադիմիր Պուտինին նրա այցի դեպքում, գրում է DW-ի ռուսական ծառայությունը։
«Կարծում եմ, որ յուրաքանչյուրը, որը դատարանի կողմ և ունի պարտավորություն, պետք է իր պարտավորությունները կատարի»,-ասել է Բլինքենը։
Միաժամանակ նա չի պատասխանել այն հարցին, թե արդյոք Վաշինգտոնը կարտահանձնի ՌԴ նախագահին, եթե նա այցելի երկիր։ Բլինքենը հիշեցրել է, որ Միացյալ Նահանգները դատարանի կողմ չէ, երկիրը չի վավերացրել ՄՔԴ-ի կանոնադրությունը:
«Չեմ կարծում, որ նա պլաններ ունի առաջիկայում այստեղ այցելելու»,- ասել է ԱՄՆ պետքարտուղարը։
Պուտինի վերջին այցը ԱՄՆ տեղի է ունեցել 2015 թվականին։
Հիշեցնենք, որ Հաագայի Միջազգային քրեական դատարանը մարտի 17-ին ՌԴ նախագահ Վլադիմիր Պուտինի, ինչպես նաև ՌԴ երեխաների իրավունքների հանձնակատար Մարիա Լվովա-Բելովայի ձերբակալության միջազգային օրդեր էր տվել՝ ուկրաինացի երեխաների ապօրինի տեղահանման համար։
Էմմա Չոբանյան
