15.07.2026 | 12:45
ԵՄ-ն պետք է աջակցի Ռուբեն Վարդանյանի կնոջ՝ Բաքու մեկնելու նախաձեռնությունը․ Ջոել Վելդկամպ
Կաշառք տալու կասկածանքով ձերբակալվել է փաստաբան Լևոն Գևորգյանը
Հասարակություն
22.03.2023 | 16:14
Մարտի 22-ին՝ ժամը 01.25-ին, ՀՀ ոստիկանության պարեկային ծառայության ծառայողները Հրազդանի կիրճում ստուգում կատարելու նպատակով կանգնեցրել են «Տոյոտա» մակնիշի աավտոմեքենա, որի վարորդն իր մոտ չի ունեցել վարորդական իրավունքի վկայական, ինչի համար ուղևորը 40.000 դրամ է առաջարկել պարեկային ծառայողներին: Ուղևորը կաշառք տալու հիմնավոր կասկածանքով ձերբակալվել, բերվել է ոստիկանության Դավթաշենի բաժանմունք և կազմված փաստաթղթերի հետ ներկայացվել է նախաքննական մարմին: Կատարվում է նախաքննություն:
Այս մասին հայտնում են ոստիկանությունից։
Դեպքից հետո մամուլում սկսեց շրջանառվել տեղեկություն, ըստ որի՝ մեքենայի ուղևորը փաստաբան Լևոն Գևորգյանն է։ Փաստաբանների պալատի մամուլի խոսնակ Սիլվարդ Տիգրանյանը Factor.am-ի հետ զրույցում ասաց, որ փաստաբան Լևոն Գևորգյանը տարվել է ոստիկանության բաժանմունք, Փաստաբանների պալատի արագ արձագանքման խումբը զբաղվում է խնդրով։
Քննչական կոմիտեի մամուլի խոսնակ Գոռ Աբրահամյանը Factor.am-ի հետ զրույցում ասաց, որ դեպքի առթիվ քրեական գործ է հարուցվել Քրեական օրենսգրքի 436-ի 1-ին մասով և ուղարկվել Հակակոռուպցիոն կոմիտե՝ ըստ քննչական ենթակայության։
Նշենք, որ Գևորգյանը միջազգային իրավունքի փորձագետ է, իրավաբանական գիտությունների թեկնածու։
Արաքս Մամուլյան
