16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՀՀ ֆինանսների նախարարն ընդունել է Վրաստանի արտակարգ և լիազոր դեսպանին
Քաղաքականություն
22.03.2023 | 15:59
ՀՀ ֆինանսների նախարար Վահե Հովհաննիսյանն այսօր՝ մարտի 22-ին, ընդունել է Վրաստանի նորանշանակ արտակարգ և լիազոր դեսպան Գիորգի Շարվաշիձեի գլխավորած պատվիրակությանը․ տեղեկացնում են գերատեսչությունից։
Նախարար Հովհաննիսյանը, ողջունելով հյուրերին, շնորհավորել է դեսպան Շարվաշիձեին պաշտոնը ստանձնելու կապակցությամբ և հույս է հայտնել, որ երկու երկրների միջև առկա համագործակցությունն արդյունավետ և շարունակական կլինի:
Շնորհակալություն հայտնելով ընդունելության համար` Գիորգի Շարվաշիձեն իր հերթին շնորհավորել է Վահե Հովհաննիսյանին ՀՀ ֆինանսների նախարարի պաշտոնում նշանակվելու կապակցությամբ:
Զրուցակիցներն անդրադարձել են երկու երկրների ֆինանսների նախարարությունների միջև համագործակցությանը, ընդգծելով, որ վերջին ժամանակաշրջանում այն կրում է առավել ինտենսիվ բնույթ: Դրա մասին է վկայում նաև նախորդ տարվա հուլիսին ՀՀ ֆինանսների նախարարության և Պետական եկամուտների կոմիտեի ներկայացուցիչների այցը Վրաստան:
Հանդիպման ավարտին կողմերը վերահաստատել են փորձի փոխանակման ու արդյունավետ համագործակցությանն ուղղված ջանքերի անհրաժեշտությունը։
