26.07.2026 | 10:03
Սուրեն Պապիկյանի հրամանով ժամկետային զինծառայողներին հատկացվել է լրացուցիչ արձակուրդ
Թուրքիայի ընդդիմադիր քրդամետ դաշինքը նախագահի թեկնածու չի առաջադրի
Քաղաքականություն
22.03.2023 | 15:51
Թուրքիայի երրորդ ամենամեծ նախընտրական դաշինքը՝ Աշխատանքի և ազատության դաշինքը, որոշել է թեկնածու չառաջադրել նախագահական ընտրություններում։ Այս մասին այսօր հայտարարել են դաշինքի առաջնորդները, գրում են թուրքական լրատվականները։
«Մենք նախագահական ընտրություններում թեկնածուի չենք առաջադրի։ Նախագահական ընտրություններում մենք կատարելու ենք մեր պատմական պատասխանատվությունը միանձնյա կառավարման նկատմամբ»,- Անկարայում կայացած մամուլի ասուլիսում հայտարարել է դաշինքի առաջատար քրդամետ Ժողովուրդների դեմոկրատական կուսակցության (HDP) համաառաջնորդ Փերվին Բուլդանը։
Նա ելույթի ընթացքում քննադատել է իշխող կուսակցությանն ու նախագահական համակարգը, միաժամանակ, սակայն, ձեռնպահ է մնացել ընդդիմության միասնական թեկնածու Քեմալ Քըլըչդաչօղլուին աջակցելու բացահայտ հայտարարություններից։
Ակնկալվում է, որ Աշխատանքի և ազատության դաշինքի դիրքորոշումը վճռորոշ կլինի մայիսի 14-ի ընտրությունների ելքի համար, քանի որ հարցումները ցույց են տալիս, որ ո՛չ իշխող դաշինքը, ո՛չ էլ վեց կուսակցություններից բաղկացած հիմնական ընդդիմադիր դաշինքը հստակ հաղթանակի չեն հասնի։
Հավելենք, որ Քեմալ Քըլըրդարօղլուն օրերս հանդիպել էր քրդամետ կուսակցության ղեկավարներին։
Էմմա Չոբանյան
