15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Զինված խմբի գործով նիստին միջնորդեցին երեք ամբաստանյալների ազատ արձակել
Հասարակություն
22.06.2018 | 11:46
Երևանի ընդհանուր իրավասության դատարանի Կենտրոնի նստավայրում դատավոր Արմեն Բեկթաշյանի նախագահությամբ տեղի ունեցավ «Նորքի զինված խմբի» գործով դատական նիստը:
Փաստաբանները միջնորդություն ներկայացրին գրավի դիմաց ազատ արձակել ազատամարտիկներ Վլադիմիր Առաքելյանին և Խաչիկ Ավետիսյանին: Նրանց համար անձնական երաշխավորություն էին ներկայացրել «Մեծն Տիգրան» աշխարհազորայինի ազատամարտիկները:
Միջնորդություն ներկայացվեց նաև Հարություն Սարիբեկյանին ազատ արձակել, նրա պաշտպանի պնդմամբ, Սարիբեկյանն ունի առողջական լուրջ խնդիրներ և նրա համար ևս ազատամարտիկները երաշխավորություն էին ներկայացրել: Մեղադրող կողմը ներկայացված միջնորդությունների դեմ չառարկեց: Դատարանը հեռացավ խորհրդակցական դահլիճ որոշում կայացնելու, այն կհրապարակվի 15:00-ին:
