16.09.2026 | 10:23
Դատախազությունը պահանջում է Ոսկեվանի նախկին մանկապարտեզի շենքը վերադարձնել համայնքին
Իսրայելն օդային հարվածներ է հասցրել Հալեպի օդանավակայանին և Դամասկոսի արվարձաններին
Քաղաքականություն
22.03.2023 | 13:44
Իսրայելը չորեքշաբթի վաղ առավոտյան ավիահարվածներ է հասցրել Սիրիայում մի քանի վայրերի, այդ թվում՝ Հալեպի միջազգային օդանավակայանի տարածքում, հաղորդում են սիրիական լրատվամիջոցները։
SANA պետական լրատվական գործակալությունը, վկայակոչելով անանուն ռազմական պաշտոնյայի, գրել է, որ իսրայելական ռազմական ինքնաթիռները հրթիռներ են արձակել, որոնք հարվածել են Հալեպի միջազգային օդանավակայանին։ Նշվում է, որ ավիահարվածը «նյութական վնաս է հասցրել օդանավակայանին և շարքից դուրս բերել այն»։
Այլ հրապարակումներում պնդում են, որ մեկուսացված ավիահարվածներ են հասցվել Դամասկոսի շրջակայքում և Միջերկրական ծովի ափին գտնվող Լաթաքիայում թիրախներին։
Զոհերի կամ ավերածությունների, ավիահարվածների հստակ թիրախների մասին տեղեկություններ չկան։
Հալեպի միջազգային օդանավակայանն այս ամսվա սկզբին նույնպես Իսրայելին վերագրվող ավիահարվածների է ենթարկվել և ստիպված է եղել մի քանի օրով փակել թռիչքուղին:
Տաթև Ֆռանգյան
