17.05.2026 | 18:48
Լսի՛, այ կալուգացի, ես քեզ ասել եմ` պետությունը կոկորդումդ ա մնալու, խռխռալու ես. Փաշինյան․ ՏԵՍԱՆՅՈւԹ
ՌԴ Բրյանսկի մարզում ուկրաինական ԱԹՍ-ն հարվածել է «Նովոզիբկով» նավթամուղի կայանին
Քաղաքականություն
21.03.2023 | 18:23
Երեքշաբթի ուկրաինական ԶՈՒ անօդաչու թռչող սարքերը գրոհել են ՌԴ Բրյանսկի մարզի «Նովոզիբկով» նավթամուղի կայանի տարածքը, որը պատկանում է «Տրանսնեֆտ»-ին։ BBC-ի ռուսական ծառայության փոխանցմամբ՝ այս մասին հայտնել է Բրյանսկի շրջանի նահանգապետ Ալեքսանդր Բոգոմազը։
Ուկրաինայի իշխանությունները դեռևս չեն մեկնաբանել նահանգապետի հայտարարությունը։
«Օպերատիվ գործողություններ անցկացնելու ամբողջ ընթացքում անվտանգությունն ապահովելու նպատակով հոսանքազրկվել են Մամայ, Տրոստան, Դրուժբա, Նովսկոյե, Դուբրովկա բնակավայրերը: Օպերատիվ-քննչական միջոցառումներից հետո էլեկտրամատակարարումը կվերականգնվի»,- նշել է նահանգապետը։
Տեղի իշխանությունների հաղորդմամբ՝ տուժածներ չկան։ Դեպքի վայրում աշխատում են արտակարգ իրավիճակների ծառայությունները։
Տաթև Ֆռանգյան
