15.12.2025 | 14:00
Ցորենի նոր խմբաքանակ է գալիս Ադրբեջանով, հացի գնի վրա ազդելո՞ւ է, չեմ կարող ասել. Պապոյան․ ՏԵՍԱՆՅՈՒԹ
Մոսկվայում խուզարկում են «Մեմորիալ» իրավապաշտպան կազմակերպության աշխատակիցների բնակարանները
Քաղաքականություն
21.03.2023 | 14:06
Մոսկվայում խուզարկություններ են անցկացվում «Մեմորիալ» իրավապաշտպան կազմակերպության աշխատակիցների բնակարաններում։ Նշենք, որ կազմակերպությունը լուծարվել է 2022 թվականի փետրվարին Ռուսաստանի Դաշնության Գերագույն դատարանի կողմից և նույն թվականին դարձել Խաղաղության Նոբելյան մրցանակի դափնեկիր, գրում է DW-ի ռուսական ծառայությունը։
Անվտանգության ուժերը, ի թիվս այլոց, խուզարկություններ են իրականացրել իրավապաշտպան կենտրոնի խորհրդի նախագահ Օլեգ Օռլովի, կենտրոնի փոխնախագահ Նիկիտա Պետրովի, Ալեքսանդրա Պոլիվանովայի մոր և «Մեմորիալ» ընկերության խորհրդի նախագահ Յան Ռաչինսկիի տներում, գրում է «Նովայա Գազետա Եվրոպան»՝ հղում կատարելով «Մեմորիալի» փաստաբան Արսենի Լևինսոնին։
Որոշման պատճենում նշվում է, որ խուզարկությունն իրականացվում է «նացիզմի վերակենդանացման» գործով, որը հարուցվել էր կազմակերպության դեմ մարտի սկզբին։
«Առնվազն աշխատակիցներից մեկի մոտ արգելել են թույլատրել փաստաբանի մուտքը»,- հայտնել է իրավաբաններից մեկը։
Տաթև Ֆռանգյան
