22.11.2024 | 21:37
ՀՀ ԶՈՒ հավաքականը թիմային աղյուսակում հունահռոմեական ոճում զբաղեցրել է 3-րդ հորիզոնականը. ըմբշամարտի զինվորականների ԱԱ
Ֆրանսիայում կառավարությանն անվստահություն հայտնելու ձախողումից հետո բողոքի ցույցերի նոր ալիք է բարձրացրել
Քաղաքականություն
21.03.2023 | 14:15
Հաղթանակ՝ պարտության համով։ Այսպես է ֆրանսիական և միջազգային մամուլը նկարագրում Ֆրանսիայի Ազգային ժողովում երկրի կառավարությանը երկու անվստահության քվեների արդյունքները։ Էլիզաբեթ Բորնի կառավարությանը հրաժարականից փրկել է 9 ձայն․ անհրաժեշտ 287 ձայնի փոխարեն ընդդիմությանը հաջողվել է մոբիլիզացնել 278 պատգամավորի, գրում է Euronews-ը։
Սակայն կառավարությանն անվստահություն հայտնելու ձախողումը ցուցարարներին կրկին դուրս է բերել ֆրանսիական քաղաքների փողոցներ։ Ինքնաբուխ ցույցերը սկսվել են բավականին խաղաղ, բայց մութն ընկնելուն պես դրանք ավելի ու ավելի կատաղի են դարձել։
Շրջված և այրված աղբամանները, բարիկադները, ոստիկանների ուղղությամբ քարեր նետելը և ծխային գազի կիրառումը հանգեցրել են իրավապահների հետ բախումների։ Փարիզում ավելի քան 170 մարդ է բերման ենթարկվել։
Euronews-ը նշում է, որ անգամ ռեզոնանսային բարեփոխման ընդունումից հետո բողոքի ցույցերը հազիվ թե թուլանան։ Հինգշաբթի լայնածավալ գործադուլներ և բողոքի ցույցեր են նախատեսված Ֆրանսիայի բոլոր խոշոր քաղաքներում։
The protests in Paris continue. The protesters demand the resignation of the French president.@EmmanuelMacron 🤮🤮🤮💩#Paris #France #Marseille #Lyon pic.twitter.com/8s6eR1TxpP
— Natali (@kanti_natali) March 21, 2023
Տաթև Ֆռանգյան
