25.11.2024 | 11:29
Մարդիկ տեղյակ չեն, որ դա ներդրում է, և գումար է ավելանում․ պատգամավորը՝ կուտակային կենսաթոշակի մասին․ ՏԵՍԱՆՅՈՒԹ
Բայդենը հանձնարարել է գաղտնազերծել COVID-ի ծագման վերաբերյալ հետախուզական տվյալները
Քաղաքականություն
21.03.2023 | 12:12
ԱՄՆ նախագահ Ջո Բայդենը օրինագիծ է ստորագրել, որը պահանջում է բացահայտել SARS-CoV-2 կորոնավիրուսի ծագման վերաբերյալ հետախուզական տվյալների մի մասը։ Այս մասին DW-ի ռուսական ծառայության փոխանցմամբ հայտնել է Սպիտակ տունը։
«Ես կիսում եմ Կոնգրեսի մոտեցումը՝ հնարավորինս շատ տեղեկատվություն հրապարակել 2019 թվականին կորոնավիրուսի ծագման մասին: 2021 թվականին ես հանձնարարել եմ հետախուզական ծառայությանն օգտագործել իր տրամադրության տակ եղած բոլոր գործիքները՝ COVID-19-ի ծագումն ուսումնասիրելու համար, և այդ աշխատանքը շարունակվում է», – ասված է Բայդենի հայտարարության մեջ։
«Իմ վարչակազմնը կշարունակի վերլուծել ողջ գաղտնի տեղեկատվությունը, որը վերաբերում է COVID-19-ի ծագմանը, այդ թվում՝ Ուհանի վիրուսաբանության ինստիտուտի հետ հնարավոր կապերը։ Այդ օրենքի իրականացման ընթացքում իմ վարչակազմը կգաղտնազերծի ու կտրամադրի ինչքան հնարավոր է շատ տեղեկատվություն»,-խոստացել է ԱՄՆ նախագահը։
Տաթև Ֆռանգյան
