26.02.2026 | 16:43
Անհետ կորածների ընտանիքները ևս 3 ամիս սոցիալական աջակցություն կստանան
Չինաստանի ղեկավարը ժամանել է Մոսկվա․ նա պատրաստակամություն է հայտնել վճռականորեն պաշտպանել «ՄԱԿ-ակենտրոն միջազգային համակարգը»
Քաղաքականություն
20.03.2023 | 17:00
Չինաստանի նախագահ Սի Ցզինպինը պետական այցով ժամանել է Ռուսաստան, հայտնում է «Ինտերֆաքսը»։ Չինաստանի ղեկավարի ինքնաթիռը վայրէջք է կատարել Մոսկվայի «Վնուկովո 2» օդանավակայանում։
Սա Սի Ցզինպինի առաջին արտասահմանյան այցն է նախագահի պաշտոնում վերընտրվելուց հետո։ Վերջին անգամ Չինաստանի առաջնորդը Ռուսաստան էր այցելել 2019 թվականի հունիսին, Պուտինն իր հերթին այցով Չինաստանում էր 2022 թվականի փետրվարի սկզբին՝ Պեկինի Օլիմպիական խաղերի բացմանը։
Մոսկվա ժամանելուն պես, ռուսական ԶԼՄ-ների հաղորդմամբ, Ցզինպինը հայտարարել է, որ խաղաղությունից հեռու աշխարհում Չինաստանը պատրաստ է «վճռականորեն պաշտպանել ՄԱԿ-ակենտրոն միջազգային համակարգը»։
«Խաղաղությունից հեռու աշխարհում Չինաստանը պատրաստ է վճռականորեն պաշտպանել ՄԱԿ-ակենտրոն միջազգային համակարգը, պաշտպանել աշխարհակարգը՝ հիմնված միջազգային իրավունքի և միջազգային հարաբերությունների հիմնարար նորմերի վրա՝ հիմնվելով ՄԱԿ-ի կանոնադրության նպատակների և սկզբունքների վրա, հավատարիմ մնալ իրական բազմակողմանիությանը, նպաստել գլոբալ բազմաբևեռությանը և միջազգային հարաբերությունների ժողովրդավարացմանը, նպաստել գլոբալ կառավարման զարգացմանն ավելի արդար և ռացիոնալ ուղղությամբ»,- ասել է Սի Ցզինպինը։
Տաթև Ֆռանգյան
