29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Ադրբեջանը 5 մարզիկի է հայտավորել Երևանում ծանրամարտի Եվրոպայի առաջնությանը մասնակցելու համար
20.03.2023 | 14:08
Երևանում ապրիլի 15-23-ը անցկացվելիք ծանրամարտի Եվրոպայի առաջնությանը մասնակցելու համար Ադրբեջանը հայտավորել է 5 մարզիկի։ Այս մասին տեղեկանում ենք Ծանրամարտի Եվրոպայի ֆեդերացիայի պաշտոնական կայքից։
Ադրբեջանի մարզիկներն են՝ Իսա Ռուստամովը (67կգ քաշային կարգ), Օմար Ջավադովը (73 կգ), Ալի Շուքուրլուն (102 կգ) և Դադաշ Դադաշբեյլին (109 կգ), ինչպես նաև կանաnց հավաքականից Նազիլյա Իսմայիլովան (49 կգ)։
Տեղական լրատվամիջոցների հետ զրույցում Ադրբեջանի ծանրամարտի ֆեդերացիայի մամուլի խոսնակ Քենան Մասթալիևը հաստատել է, որ Բաքուն հայտ է ներկայացրել Երևանում մրցումներին մասնակցելու համար։ Նա նշել է, որ սա նախնական ցուցակ է և դեռ հայտնի չէ՝ քանի մարզիկ է մասնակցելու առաջնությանը։
Վերջնականապես հայտնի չէ նաև՝ արդյո՞ք Ադրբեջանի մարզիկներն ընդհանրապես կժամանեն Երևան՝ Եվրոպայի առաջնությանը մասնակցելու համար, քանի որ ադրբեջանական կողմն անվտանգության հավելյալ երաշխիքներ է ցանկանում։
«Ադրբեջանական թիմը Երևան կգնա միայն այն դեպքում, եթե ընդունող երկիրը նրան տրամադրի անվտանգության հատուկ երաշխիքներ։ Եթե հայկական կողմը պնդի այն երաշխիքների հարցում, որ մրցումների մյուս մասնակիցներին են տրվում, մենք բաց կթողնենք առաջնությունը»,- ավելի վաղ հայտարարել էր Մասթալիևը։
Էմմա Չոբանյան
