14.12.2025 | 20:34
Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում
Ալիևը հայտարարել է՝ եթե Հայաստանը ցանկանում է հանգիստ ապրել 29 հազար քառակուսի կիլոմետր տարածքում, ապա Երևանը պետք է ընդունի Ադրբեջանի պայմանը
Քաղաքականություն
18.03.2023 | 17:31
Ադրբեջանի նախագահ Իլհամ Ալիևը հայտարարել է, որ եթե Երևանը չի ճանաչում Ադրբեջանի տարածքային ամբողջականությունը, ապա Բաքուն էլ չի ճանաչում Հայաստանի տարածքային ամբողջականությունը:
«Հայաստանն ու նրա թիկունքում կանգնած կեղծավոր երկրները պետք է իմանան, թե ինչ հետևանք է լինելու։ Նրանք պետք է իմանան, որ մեր դեմ ոչ մի կեղտոտ ծրագիր չի իրականանա։ Մենք ուժ ունենք, ընկերներ ունենք, աշխարհում ուժեղ դիրք ունենք և ուժեղ կամք ունենք։ Մենք դա ցույց տվեցինք պատերազմի ժամանակ և հետպատերազմյան շրջանում», – Interfax-ի փոխանցմամբ՝ ասել է Ալիևը շաբաթ օրը Տերտերի շրջանի Թալիշ գյուղից Նովրուզի կապակցությամբ ադրբեջանցիններին ուղղված ուղերձում։
Նրա խոսքերով՝ Հայաստանի ղեկավարությունը հայտարարում է, որ ցանկանում է հանգիստ ապրել 29 հազար քառ․կմ տարածքում:
«Որպեսզի Հայաստանը հանգիստ ապրի 29 հազար քառ. կմ տարածքում, կա մեկ պայման՝ ընդունել մեր պայմանը՝ պաշտոնապես ճանաչել Ղարաբաղը որպես Ադրբեջանի տարածք, մեզ հետ կնքել խաղաղության պայմանագիր և դելիմիտացիայի աշխատանքներ իրականացնել մեր պայմանների համաձայն:Միայն այս դեպքում նրանք կկարողանան հանգիստ ապրել 29 հազար քառակուսի կիլոմետր տարածքում»,- ասել է նա։
Ալիևը առանձին միջազգային կազմակերպությունների և երկրների մեղադրել է երկակի ստանդարտների մեջ ՝ ադրբեջանական տարածքների «օկուպացիայի» ժամանակ Հայաստանին դատապարտելուց հրաժարվելու համար։
