24.06.2026 | 12:19
Անկարան բարձր է գնահատում Բաքվի ու Երևանի միջև բանակցային գործընթացը․ Թուրքիայի խորհրդարանի նախագահ
44-օրյա պատերազմից 2,5 տարի անց կհուղարկավորեն Գոռ Համբարձումյանի մասունքները
Հասարակություն
17.03.2023 | 19:23
2020-ի պատերազմից 2,5 տարի անց էլ շարունակում է մեծանալ Եռաբլուր զինվորական պանթեոնի այն հատվածի տարածքը, որտեղ հուղարկավորված են 44-օրյայի մասնակիցների մարմիններիը։ Վաղը Գոռ Վահրամի Համբարձումյանի հոգեհանգիստն է, հաջորդ օրը Գոռի մասունքները կթաղվեն Եռաբլուրում. շուրջ 2 տարի նա անհետ կորածների ցուցակում էր։
31-ամյա Գոռը պատերազմ է մեկնել կամավոր, մարտական առաջադրանք կատարել Ջրականում, սկզբում վիրավորվել է, հետո նռնականետերի հարվածից զոհվել։ Որոնողափրկարարական աշխատանքների արդյունքում Գոռի և նրա ընկերների մարմինները հայտնաբերվել են դեկտեմբերին, սակայն որդեկորույս մայրը չի հավատացել ԴՆԹ արդյունքներին, ևս մեկ անգամ մասունքները ենթարկվել են փորձաքննության, ինչի արդյունքում կրկին նույնականացվել է։
Գոռ Համբարձումյանն ամուսնացած էր, ուներ մեկ երեխա։
Մինչև օրս 44-օրյա պատերազմում զոհված անձանց հստակ թիվ չի հաղորդվում։ Վերջին տվյալը շուրջ 1 տարի առաջ՝ ապրիլի 13-ին հայտնեց վարչապետ Նիկոլ Փաշինյանը։ Ըստ նրա՝ այդ օրվա դրությամբ զոհերի թիվը 3825-ն է, «որոնց մեծ մասի մարմինները հայտնաբերվել է ու նույնականացվել ու հուղարկավորվել է 2021 թվականին»։
Ռոզա Վարդանյան
