26.07.2026 | 10:03
Սուրեն Պապիկյանի հրամանով ժամկետային զինծառայողներին հատկացվել է լրացուցիչ արձակուրդ
Թուրքիայում երկրաշարժի գործով կալանավորվածների թիվն ավելանում է
Քաղաքականություն
17.03.2023 | 23:08
Թուրքիայում անցած ամիս տեղի ունեցած հզոր երկրաշարժերից հետո կալանավորվել է 284 կասկածյալ։ Այս մասին հայտարարել է արդարադատության նախարար Բեքիր Բոզդաղը, գրում է Bianet-ը։
Նա նշել է, որ դատախազների կողմից հարուցված հետաքննության շրջանակում 1219 կասկածյալի նկատմամբ իրավական միջոցներ են ձեռնարկվել։
«Նրանցից 284 կասկածյալի նկատմամբ որպես խափանման միջոց է կիրառվել կալանավորումը, 416 կասկածյալի նկատմամբ կիրառվել է դատական հսկողության, 416 նկատմամբ՝ կալանավորման, 95-ի կասկածյալի նկատմամբ՝ ձերբակալման որոշումներ»,- նշել է նախարարը։
Նա հավելել է, որ 53 կասկածյալներ մահացել են, ևս չորսն արտերկրում են։
Ըստ արդարադատության նախարարի՝ կալանավորվածներից 102-ը կապալառուներ են, 151-ը՝ շինարարական տեսուչ, 13-ը շինությունների սեփականատեր, 18-ը շենքային փոփոխություններ կատարած անձինք:
Հավելենք, որ Թուրքիայում ավերիչ երկրաշարժերի հետևանքով զոհերի թիվը գերազանցել է 49,000-ը, ավելի քան 227,000 շենք է ավերվել կամ լուրջ վնասվել:
Էմմա Չոբանյան
