06.06.2026 | 14:39
«Հանրապետություն» կուսակցությունը դեռևս որոշում չունի՝ կդիմի վարչական դատարան, թե՝ ոչ. հայտնում են, որ եռօրյա ժամկետ ունեն
Երևանի քաղաքապետ Հրաչյա Սարգսյանը հրաժարականի դիմում է գրել
Քաղաքականություն
17.03.2023 | 15:35
Factor.am-ի տեղեկություններով՝ Երևանի քաղաքապետ Հրաչյա Սարգսյանը հրաժարականի դիմում է գրել։ Տեղեկությունը, թե Սարգսյանը պատրաստվում է հրաժարական տալ՝ մամուլում շրջանառվում էր դեռ երեկվանից։ Քաղաքապետարանից այս լուրը ո՛չ հաստատում են, ո՛չ հերքում՝ նշելով միայն, որ այդպիսի տեղեկատվություն չունեն։ Հրաչյա Սարգսյանի հետ մեզ կապ հաստատել չհաջողվեց։
Ի դեպ, Նիկոլ Փաշինյանի ընտանիքին պատկանող «Հայկական ժամանակ» օրաթերթն այսօր ավելի վաղ գրել էր, որ ազատման դիմում է ներկայացրել Երևանի քաղաքպետարանի աշխատակազմի ղեկավար Սեյրան Մեջլումյան: Երևանի քաղաքապետարանի լրատվության վարչությունից այս տեղեկությունը ևս առայժմ ոչ հերքում են, ոչ հաստատում։
Հիշեցնենք, որ Հրաչյա Սարգսյանը քաղաքապետ ընտրվեց Հայկ Մարությանի պաշտոնանկությունից հետո՝ 2021 թվականի դեկտեմբերի 22-ին՝ ավագանու քվեարկությամբ։ Մինչ քաղաքապետ ընտրվելը, Հրաչյա Սարգսյանը զբաղեցնում էր փոխքաղաքապետի պաշտոնը։
Արփի Հակոբյան
