25.11.2024 | 09:31
Փակ է «Ամբերդ»-ից Քարի լիճ տանող ճանապարհը
Բլինքենը կասկածում է, որ մոտ ապագայում Ուկրաինայի պատերազմը կավարտվի
Քաղաքականություն
17.03.2023 | 16:15
ԱՄՆ պետքարտուղար Էնթոնի Բլինքենը հոռետեսություն է հայտնել Ուկրաինայում պատերազմի ավարտի հեռանկարների վերաբերյալ՝ ասելով, որ ոչ մի նշան չի տեսնում, որ Ռուսաստանը պատրաստ է շուտափույթ դադարեցնել հակամարտությունը, գրում է VOA-ն։
«Հուսով եմ, որ Ռուսաստանը հնարավորինս շուտ կդադարեցնի ագրեսիան։ Ցավոք, առայժմ մենք դրա որևէ նախանշան չենք տեսնում, դրական նախանշաններ չկան»,- ասել է Բլինքենը հեռուստատեսային հարցազրույցներից մեկում։
«Ցավոք, Պուտինի համար սա կայսերական նախագիծ է։ Նրա կարծիքով՝ Ուկրաինա գոյություն չունի, այն պետք է պարզապես ՌԴ մաս լինի։ Դա մեզ համար խնդիր է։ Մենք որոշակի սկզբունքներ ունենք, որոնք չափազանց կարևոր դեր են խաղում ամբողջականության, երկրների տարածքային ամբողջականության համար»,- հավելել է նա։
Մեկնաբանելով ամերիկյան անօդաչու թռչող սարքի հետ կապված միջադեպը, որը ռուսական ինքնաթիռը հետապնդել է Սև ծովի վրա, ինչի արդյունքում այն կործանվել է, պետքարտուղարն ասել է, որ հեռուստատեսությամբ ցուցադրված կադրերն ինքնին խոսուն են։
«Հասկանալի է, որ որոշ ռուսներ… պատասխանատու են դրա համար, և մենք ունենք որոշ լրացուցիչ ռիսկեր: Այնպես որ՝ դա իսկապես խնդիր է, բայց առայժմ մենք միայն մանրամասներ ենք քննարկում»,- ասել է Բլինքենը։
Տաթև Ֆռանգյան
