12.09.2026 | 11:35
15-ամյան Անի Գևորգյանը սեպտեմբերի 11-ին դուրս է եկել տնից և չի վերադարձել․ ՆԳՆ
Ֆրանսիայում ընդդիմությունը պատրաստվում է անվստահություն հայտնել կառավարությանը․ բողոքի ցույցերը վերածվել են բախումների
Քաղաքականություն
17.03.2023 | 14:14
Հազարավոր ֆրանսիացիներ դուրս են եկել փողոցներ՝ բողոքելու կենսաթոշակային բարեփոխումների դեմ, որոնք ընդունվել են՝ շրջանցելով խորհրդարանում քվեարկությունը։ Ցույցերը վերածվել են անկարգությունների, ոստիկանության հետ բախումների և զանգվածային ձերբակալությունների, գրում է Euronews-ը։
Ավելի վաղ Էլիզաբեթ Բորնի կառավարությունն ընտրություն էր կատարել հօգուտ Սահմանադրության 49.3-րդ հոդվածի։ Հինգերորդ հանրապետության պատմության մեջ 100-րդ անգամ օգտագործված այս ընթացակարգը թույլ է տալիս օրինագիծն ընդունել առանց խորհրդարանում քվեարկության։
Կառավարության որոշումը կարող է բեկանել միայն կառավարությանը հայտարարված անվստահության քվեն։ Այն պետք է ներկայացվի 49.3-րդ հոդվածի ուժի մեջ մտնելուց 24 ժամ անց, այսինքն՝ մինչև ուրբաթ օրվա կեսը։
Ընդդիմությունն արդեն հայտարարել է, որ մտադիր է անվստահություն հայտնել կառավարությանը, թեև իշխանությունը տապալելու համար անհրաժեշտ 289 պատգամավորների բացարձակ մեծամասնություն ապահովելը, կարծես, դժվար կլինի։
Արհմիությունները կոչ են անում ավելի շատ գործադուլներ և ցույցեր անցկացնել։
Տաթև Ֆռանգյան
