16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Լիբիայում 2,5 տոննա ուրան է անհետացել․ ՄԱԳԱՏԷ
Քաղաքականություն
16.03.2023 | 14:33
Լիբիայում 2,5 տոննա ուրան է անհետացել։ Երկրի իշխանությունների տեղեկացմամբ՝ միջուկային նյութը չի հայտնաբերվել այնտեղ, որտեղ պետք է լիներ, հայտարարել են Վիեննայում տեղակայված ՄԱԳԱՏԷ-ի գրասենյակից։
ՄԱԳԱՏԷ-ի գործադիր տնօրեն Ռաֆայել Գրոսսիի խոսքով՝ «դեղին փոշի» ուրանով բեռնված տասը կոնտեյների կորուստը հաստատվել է նախօրեին Լիբիայում ստուգման ժամանակ։ Թե կոնկրետ որ վայրում, չի նշվում, գրում է DW-ի ռուսական ծառայությունը։
Գրոսսին միջադեպի մասին գրավոր ծանուցում է ուղարկել կազմակերպության բոլոր անդամ երկրներին: ՄԱԳԱՏԷ-ն մտադիր է լրացուցիչ ստուգումներ անցկացնել՝ «պարզելու միջուկային նյութի անհետացման հանգամանքները և պարզելու դրա ներկայիս գտնվելու վայրը»։
«Դեղին փոշին» ուրանի աղերի նստվածք է, որն ուրանի արդյունահանման ձևերից մեկն է։ Վերամշակված ձևով այն կարող է վառելիք դառնալ ատոմակայանների համար, իսկ ավելի հարստացման դեպքում կարող է օգտագործվել միջուկային զենք ստեղծելու համար։
Տաթև Ֆռանգյան
