05.11.2024 | 16:41
Վիենի քաղաքապետի գլխավորած պատվիրակությունն այցելել է Սյունիք
Հյուսիսային Կորեան կրկին միջմայրցամաքային բալիստիկ հրթիռ է արձակել
Քաղաքականություն
16.03.2023 | 15:45
Հյուսիսային Կորեայի իշխանությունները միջմայրցամաքային բալիստիկ հրթիռի նոր փորձարկումներ են անցկացրել։ Դա տեղի է ունեցել Հարավային Կորեայի և Ճապոնիայի ղեկավարների պատմական հանդիպման մեկնարկից մի քանի ժամ առաջ, փոխանցում է BBC-ի ռուսական ծառայությունը։
Հինգշաբթի առավոտյան Հյուսիսային Կորեայի կողմից հրթիռի արձակումը հաստատվել է ինչպես Տոկիոյում, այնպես էլ Սեուլում: Հաղորդվում է, որ այն թռել է մոտ հազար կիլոմետր և ընկել Ճապոնիայից արևմուտք՝ երկրի ծովային տնտեսական գոտուց դուրս։
Հարավային Կորեայի զինվորականները հայտնել են, որ հրթիռն արձակվել է տեղական ժամանակով 07:10-ին (22:10 GMT)՝ Փհենյանից: Ճապոնական բանակի տվյալներով՝ միջմայրցամաքային բալիստիկ հրթիռը մոտ 70 րոպե թռել է 6,000 կիլոմետր բարձրության վրա։
Ճապոնացի պաշտոնյաները չեն հաղորդել հրթիռի արձակման հետևանքով հասցված վնասի մասին:
Սա հյուսիսկորեական հրթիռի չորրորդ արձակումն է վերջին շաբաթվա ընթացքում, թեև նախորդ երեքն ավելի կարճ հեռահարության հրթիռներ են եղել։
Տաթև Ֆռանգյան
