05.11.2024 | 17:59
Մեկնարկել են Ամանորի նախապատրաստությունները` առանց պայմանագրի հրապարակման. ո՞ր ընկերությունն է իրականացնում այդ աշխատանքները
Լիպեցկի զինկոմիսարիատները ծանուցագրեր են ուղարկում. իշխանությունները պնդում են՝ դա «ոչինչ չի նշանակում»
Քաղաքականություն
15.03.2023 | 19:51
Լիպեցկի շրջանի զինկոմիսարիատները ծանուցագրեր են ուղարկելու շրջանների բնակիչներին՝ կա՛մ բնակության վայր, կա՛մ գործատուի միջոցով, գրում է BBC-ի ռուսական ծառայությունը:
Իշխանությունները պնդում են, որ սա արվում է «տեղեկատվական բազան ստուգելու համար»։
«Ծանուցագրերի ուղարկումը պլանային է և այլ բան չի նշանակում, քան տվյալները ճշտելու անհրաժեշտություն»,- վստահեցրել է Լիպեցկի շրջանի զինվորական կոմիսար Վալերի Գերասիմենկոն։
Կրեմլի խոսնակ Դմիտրի Պեսկովն իր հերթին այսօր հայտարարել է, որ երկրում մոբիլիզացիայի նոր ալիք չի լինի, իսկ ծանուցագրերը բաժանվում են, քանի որ «բոլոր տվյալները պետք է հստակեցվեն, թարմացվեն»։
Ավելի վաղ որոշ լրատվամիջոցներ պնդում էին, որ ապրիլի 1-ից Ռուսաստանը կսկսի մինչև 400 հազար պայմանագրային զինծառայողների հավաքագրել և, իբր, որոշ շրջաններ արդեն ստացել են տեղեկություններ, թե քանի պայմանագրայինի պետք է տրամադրեն։
Տաթև Ֆռանգյան
