26.07.2026 | 15:20
Օդի ջերմաստիճանը կնվազի
Թուրքիայի երկրաշարժից տուժած շրջաններում ջրհեղեղներ են․ զոհերի թիվը հասել է 10-ի
Քաղաքականություն
15.03.2023 | 18:42
Թուրքիայի փետրվարի 6-ի երկրաշարժերից տուժած տասնմեկ նահանգներից երկուսում՝ Ադըյամանում և Ուրֆայում ջրհեղեղներ են գրանցվել, գրում է Bianet-ը։
Նշվում է, որ Ուրֆայում ջրհեղեղի հետևանքով զոհվել է ինը մարդ, իսկ Ադըյամանում՝ մեկ։ Որոշ տեղեկություններով՝ նաև անհետ կորածներ կան։
Ուրֆայում տեղացած հորդառատ անձրևների պատճառով կենտրոնական, ինչպես նաև Էյուբիե, Հալիլիե ու Քարաքյոփրյու թաղամասերում բազմաթիվ պողոտաներ ու փողոցներ հեղեղվել են։
Ադըյաման քաղաքի կենտրոնով անցնող Էղրիչայ գետը հեղեղվել է, ինչը խնդիրներ է առաջացրել գլխավոր պողոտաներում։ Ջրհեղեղի վտանգի տակ գտնվող վրանային քաղաքները տարհանվում են։
Մարաշում ևս ջրհեղեղներ են․ հեղեղվել են երկրաշարժից տուժածների վրանային ճամբարները։
Էմմա Չոբանյան
