16.08.2026 | 12:06
Մեր երկու բռնցքամարտիկները դուրս են եկել Սերբիայում ընթացող Եվրոպայի առաջնության 1/4 եզրափակիչ
Սև ծովում միջադեպը չի հանգեցնի ԱՄՆ-ի և ՌԴ-ի միջև ուղիղ հակամարտության․ ISW
Քաղաքականություն
15.03.2023 | 18:24
Միջադեպը Սև ծովի միջազգային օդային տարածքում, երբ ռուսական երկու Սու-27 ինքնաթիռներ խոցեցին ամերիկյան MQ-9 Reaper անօդաչու թռչող սարքը, չի հանգեցնի ԱՄՆ-ի և Ռուսաստանի միջև ուղիղ հակամարտության։ Այս մասին ասվում է Պատերազմի ուսումնասիրության ինստիտուտի զեկույցում (ISW), փոխանցում է Գրուզիա օնլայնը:
«Այս միջադեպը չի սաստկացնի ուղիղ հակամարտությունը Ռուսաստանի և ԱՄՆ-ի միջև: Ռուսական ուժերը տասնամյակներ շարունակ հարկադիր ազդանշաններ են կիրառել ԱՄՆ-ի և դաշնակիցների ինքնաթիռների ու նավերի դեմ բազմաթիվ դրվագներում՝ առանց հետագա հակամարտությունների: Միացյալ Նահանգների և Ռուսաստանի նախագահները պահպանում են ընտրության լիակատար ազատություն՝ ինչպես արձագանքել նման միջադեպերին, և նման իրավիճակներում ավտոմատ էսկալացիա չկա»,- ասվում է հաղորդագրության մեջ։
«Հաշվի առնելով նախագահ Ջո Բայդենի բազմաթիվ խոստումները՝ խուսափելու ԱՄՆ զորքերի՝ Ռուսաստանի հետ ուղիղ հակամարտության մեջ մտնելուց և Կրեմլի հստակ ու կրկնվող դժկամությունը՝ պատերազմ սկսելու ՆԱՏՕ-ի հետ, նման միջադեպերի վտանգավոր սրման պատճառ չկա»,- ասում են վերլուծաբանները։
Վաշինգտոնը հայտնել է, որ ամերիկյան MQ-9 Reaper հետախուզական անօդաչու թռչող սարքը բախվել է ռուսական Սու-27 կործանիչի հետ Սև ծովի չեզոք օդային տարածքում և ընկել ծովը։
Տաթև Ֆռանգյան
