17.02.2026 | 18:51
Ունեմ համոզմունք, որ գործընթացը գնալու է ՀԷՑ-ը պետության գերակա շահ ճանաչելու տարբերակով․ Դավիթ Ղազինյան
Վարչապետի կնոջ ազգականը նշանակվեց Գյումրու փոխքաղաքապետ
Քաղաքականություն
15.03.2023 | 16:40
Այսօր Գյումրիի ավագանու հերթական նիստում 21 կողմ, 4 դեմ և 3 ձեռնպահ ձայների հարաբերակցությամբ փոխքաղաքապետ նշանակվեց 28-ամյա Վահագն Հրաչի Մկրտչյանը։ Նրա անձը հայտնվել էր մամուլի ուշադրության կենտրոնում այն պատճառով, որ նա վարչապետ Նիկոլ Փաշինյանի տիկնոջ՝ Աննա Հակոբյանի ազգականն է։ Վահագն Մկրչտյանը ծնվել է 1995 թվականին, մասնագիտությամբ՝ ատամնաբույժ է, ավարտել է Երևանի պետական բժշկական համալսարանը։
Նա լրագրողների հետ զրույցում թեև չհերքեց վարչապետի կնոջ հետ ազգակցական կապը, սակայն հայտարարեց, որ Աննա Հակոբյանի հետ համաձայնեցված չի եղել իր նշանակումը, և պնդեց, որ նրա հետ նույնիսկ քննարկում չի եղել։ Ըստ Մկրտչյանի, ինքն ակտիվորեն ներգրավված է եղել քաղաքի կառավարման գործում, Գյումրիի համայնքապետ Վարդգես Սամսոնյանն էլ առաջարկել է նրան դառնալ փոխքաղաքապետ։ Իհարկե, Վահագն Մկրտչյանի ասելով, շատ երկար է մտածել առաջարկն ընդունելուց առաջ։
«Այո, կապ կա Աննա Հակոբյանի հետ, հաստատում եմ, չեմ ժխտում, թե՛ մեր քաղաքը, թե՛ մեր երկիրը էնքան փոքր են, ցավոք սրտի, դրա համար եթե գտնենք մարդ, որն ընդհանրապես ազգակցական կապ կամ ընկերական կամ մտերմիկ հարաբերություններ չունի ինչ-որ մի պաշտոնյայի կամ ինչ-որ մի իշխանության կամ ինչ-որ մի մարդու հետ, ինձ թվում է դա բացառված է»,- ասաց փոխքաղաքապետը։
Քաղաքապետ Վարդգես Սամսոնյանն նրան ներկայացնելիս նշեց, որ «Մելիքովիչ և որդիներ» կազմակերպությունը պատկանում է փոխքաղաքապետի ընտանիքին, այնտեղ կա նաև ատամնաբուժարան, որի տնօրենը Վահագն Մկրտչյանն է։
Արմիկ Մովսիսյան
