08.08.2026 | 15:04
Ջերմաստիճանը կնվազի. ինչ եղանակ է սպասվում առաջիկա օրերին
«Գեներալները թաթախված էին կոռուպցիայի մեջ իշխանությունների թողտվությամբ»․ Ժաննա Ալեքսանյան․ ՏԵՍԱՆՅՈՒԹ
21.06.2018 | 15:36
«Լրագրողներ հանուն մարդու իրավունքների պաշտպանության» ՀԿ-ի նախագահ Ժաննա Ալեքսանյանն այն համոզմանն է, որ նախկինում գեներալները թաթախված էին կոռուպցիայի մեջ իշխանությունների թողտվությամբ, և դա իմացել են Զինված ուժերում աշխատող պաշտոնյաները, սակայն այս մասին երբեք չեն բարձրաձայնել։
Այս մասին այսօր «Կոռուպցիան բանակում. ովքե՞ր և ինչպե՞ս պետք է կիսեն Մանվել Գրիգորյանի հետ պատասխանատվությունը» թեմայով քննարկման ժամանակ ասաց Ժաննա Ալեքսանյանը ՝ նշելով, որ Մանվել Գրիգորյանին վերաբերող կոռուպցիոն բացահայտումը միակ դեպքը չէ, և մենք գործ ունենք համակարգային խնդրի հետ։
«Գեներալները բանակում ակնհայտ տարբերվում էին, դա միշտ հնչում էր, հնչում էին հատկապես Մանվել Գրիգորյանի, Սեյրան Սարոյանի անունները, բայց Գլխավոր շտաբի կողմից երբեք արձագանք չէին ստանում։ Այն, որ այդ մարդիկ գտնվում էին օրենքից դուրս ակնհայտ էր»,- ասաց իրավապաշտպանը՝ հիշեցնելով Հայկազ Բաղմանյանին առնչվող մահվան դեպքը։
Ժաննա Ալեքսանյանը նաև հավելեց, որ Մանվել Գրիգորյանի չարաշահումները կատարվել են նախկին իշխանությունների համաձայնության և թույլտվության պայմաններում և հիշեցրեց դեպքը, երբ Սերժ Սարգսյանն Էջմիածնում գովում էր այն գեներալներին, ովքեր Էջմիածին քաղաքը պահում էին ոտքի տակ։
Մանրամասները՝ տեսանյութում։
