05.11.2024 | 17:27
Թբիլիսիի դատարանը 3 ամսով երկարացրել է Բաքվի կողմից հետապնդվող ադրբեջանցի ընդդիմադիր լրագրողի կալանքը
Թուրքիան կարող է ՆԱՏՕ-ին Ֆինլանդիայի միանալու հայտը վավերացնել մինչև մայիսի 14-ի ընտրությունները․ Reuters
Քաղաքականություն
15.03.2023 | 20:17
Թուրքիան ծրագրում է ՆԱՏՕ-ին Ֆինլանդիայի անդամակցությունը հաստատել խորհրդարանական և նախագահական ընտրություններից առաջ, որոնք տեղի կունենան մայիսի 14-ին։ Ընդ որում, Հելսինկիի հայտը կհաստատվի՝ Շվեդիայից անկախ։ Այս մասին Reuters-ին հայտնել են երկու թուրք պաշտոնյաներ, փոխանցում է Arab News-ը։
Նրանք նշել են, որ Թուրքիայի խորհրդարանը, ամենայն հավանականությամբ, կվավերացնի ՆԱՏՕ-ին Ֆինլանդիայի անդամակցության հայտը մինչև ապրիլի կեսերը։
Ֆինլանդիայի նախագահ Սաուլի Նիինիստոն էլ ուրբաթ կայցելի Թուրքիա՝ նախագահ Ռեջեփ Թայիփ Էրդողանի հետ քննարկելու ՆԱՏՕ-ին անդամակցելու՝ իր երկրի հայտը:
Հավելենք, որ նախօրեին Շվեդիայի վարչապետ Ուլֆ Քրիստերսոնը հայտնել էր, որ հավանականությունը, որ Ֆինլանդիան ՆԱՏՕ-ի ռազմական դաշինքի մաս կազմի նախքան Շվեդիայի միանալը, մեծացել է, թեև Ստոկհոլմի անդամակցությունը միայն ժամանակի հարց է։
Էմմա Չոբանյան
