16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Գարնանն ու ամռանը Ուկրաինային ծանր մարտեր են սպասվում. Պենտագոն
Քաղաքականություն
15.03.2023 | 14:57
Գարնանն ու ամռանը Ուկրաինային ծանր մարտեր են սպասվում, բայց դաշնակիցներն ամեն ինչ կանեն՝ զինամթերքի պակասի խնդիրը լուծելու համար։ Այս մասին ճեպազրույցում հայտարարել է ԱՄՆ Պաշտպանության նախարարության ներկայացուցիչ, բրիգադային գեներալ Փեթ Ռայդերը։
Նա նշել է, որ լայնամասշտաբ պատերազմի սկզբից ի վեր ԱՄՆ-ն անում է հնարավոր ամեն ինչ Ուկրաինայի կարիքները բավարարելու համար՝ լինի զինամթերք, հակաօդային պաշտպանության համակարգեր կամ զրահատեխնիկա։
«Կարևոր է մի քայլ հետ գնալ և նայել ձեռք բերված առաջընթացին՝ միաժամանակ գիտակցելով այն փաստը, որ առջևում դժվարին պայքար է սպասվում, հատկապես, երբ մենք մտնում ենք գարուն և ամառ»,- ասել է Ռայդերը:
Ըստ Պենտագոնի խոսնակի՝ Ռամշտայնի ձևաչափով այսօրվա հանդիպումը նվիրված կլինի հրատապ կարիքներին, մասնավորապես՝ Ուկրաինայի համար զինամթերքին։
«Դուք լսել եք, որ պետքարտուղար Օսթինը և մյուսներն ասում են, որ մենք ձգտում ենք համոզվել, որ ուկրաինացիներն ունենան այն, ինչ անհրաժեշտ է հաջողության հասնելու համար»,- եզրափակել է նա։
Տաթև Ֆռանգյան
