02.10.2024 | 21:14
Իսրայելը հայտարարել է Լիբանան ներխուժումից ի վեր իր առաջին մարտական կորստի մասին
Թուրքիա C-400 ռուսական համակարգերի երկրորդ խմբաքանակի մատակարարմանը խոչընդոտում է հենց Անկարան
Քաղաքականություն
15.03.2023 | 15:55
Թուրքիան դեմ է այն կետին, որն արգելում է ռուսական C-400 համակարգերի մատակարարումը երրորդ երկրներին։ Այդ պատճառով Ռուսաստանից Թուրքիա հակաօդային պաշտպանության համակարգերի երկրորդ խմբաքանակի մատակարարումը հետաձգվում է։ Այս մասին հայտնում է թուրքական Aydinlik պարբերականը՝ վկայակոչելով իրազեկ աղբյուրներին, փոխանցում է Կոմերսանտը։
Լրատվամիջոցը հիշեցնում է, որ 2017 թվականին պայմանագիր է կնքվել հակաօդային պաշտպանության համակարգերի երկու խմբաքանակի մատակարարման մասին։ Փաստաթղթի համաձայն՝ առաջին խմբաքանակը պետք է Թուրքիա հասներ որպես ուղղակի գնում, երկրորդը համապատասխաներ տեխնոլոգիաների փոխանակման, համատեղ արտադրության և ծրագրային ապահովման ինտեգրման պահանջներին։
Aydinlik-ի տեղեկություններով՝ պայմանագրի երկրորդ մասը հետաձգվել է այն բանից հետո, երբ Անկարան դեմ է հանդես եկել պայմանագրով նախատեսված՝ այլ երկրներին С-400-ների վաճառքի արգելքին։ Պարբերականը նշում է, որ նմանատիպ արգելքներ կիրառվում են պաշտպանական արդյունաբերության մեջ ամբողջ աշխարհում։
Հավելենք, որ 2017 թվականին ՌԴ-ն և Թուրքիան պայմանագիր էին կնքել С-400-ների մատակարարման մասին, գործարքի արժեքը կազմել էր 2,5 մլրդ դոլար։ Առաջին խմբաքանակը Թուրքիային մատակարարվել է 2019 թվականի ամռանն ու աշնանը։
Հավելենք, որ ի պատասխան Անկարայի այս քայլի՝ Վաշինգտոնը պատժամիջոցներ է սահմանել Թուրքիայի դեմ ու հեռացրել F-35 կործանիչների ծրագրից։
Էմմա Չոբանյան
