17.05.2026 | 20:55
Ըմբիշ Էրիկ Ղազարյանը` Մ-17 ԵԱ բրոնզե մեդալակիր
Կրեմլը Մոլդովայի նկատմամբ վերահսկողությունը վերականգնելու ծրագիր ունի․ ԶԼՄ-ներ
Քաղաքականություն
15.03.2023 | 16:15
Ռուսաստանը ռազմավարական նպատակ է հետապնդում՝ Մոլդովային Արևմուտքից հեռացնել ու վերադարձնել իր ազդեցության գոտի։ DW-ի ռուսական ծառայության փոխանցմամբ՝ այս մասին գրել են միանգամից մի քանի գերմանակա ԶԼՄ-ներ՝ վկայակոչելով իրենց ձեռքի տակ հայտնված Մոլդովայի նկատմամբ 2021 թվականի Կրեմլի ծրագրի պատճենը։
Տեղեկացվում է, որ հինգ էջանոց փաստաթղթում նախանշվում է Մոլդովայում ռուսամետ տրամադրությունները սատարելու և այդ երկրի՝ դեպի Արևմուտք շրջվելը կանխելու կոնկրետ ուղիներ: Մոլդովայի վերաբերյալ ռազմավարության մեջ առաջարկվող միջոցառումներն ազդում են Ռուսաստանի նպատակների վրա քաղաքական, ռազմական, առևտրային, տնտեսական և սոցիալական ոլորտներում։
Ըստ գերմանական լրատվամիջոցների՝ այս փաստաթուղթը, ըստ ամենայնի, մշակվել է նույն փորձագետների կողմից, որոնք մշակել են Բելառուսը Ռուսաստանին միացնելու ռազմավարությունը։
Տաթև Ֆռանգյան
