20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Փաշինյանը՝ ՀՀ-ի՝ ԼՂ երաշխավոր չլինելու, ԱԱԾ-ում մաքրումների, առաջնագծի խնդիրների մասին․ Լուրեր
14.03.2023 | 19:57
- Վարչապետ Նիկոլ Փաշինյանը հայ-ադրբեջանական բանակցությունների համատեքստում հայտարարել է, որ պարտավորվում է ստորագրել փաստաթուղթ, որը չի լինի երազանքի փաստաթուղթ, բայց նաև հայացք փախցնելու առիթ չի լինի։ Նա նշել է, որ Հայաստանն այս պահին հայտարարում է, որ համաձայն է բրյուսելյան ֆորմատով աշխատանքը շարունակելուն, բայց պետք է սկսել նախկինում պայմանավորվածը իրագործելուց, որովհետև եթե 10-ից ավելի պայմանավորվածություն կա, որոնք չեն իրագործվում, ի՞նչ իմաստ ունի նոր բան պայմանավորվելու շուրջ աշխատանք կատարել:
- Նա նշել է, որ նոյեմբերի 9-ի փաստաթղթով արձանագրվել է, որ ԼՂ անվտանգության երաշխավորը Ռուսաստանն է: Ոչ թե այն պատճառով, որ Հայաստանը հրաժարվում է դրանից, այլ այն պատճառով, որ Հայաստանը պատերազմում պարտության պատճառով չի կարող լիարժեք կատարել այդ գործառույթը:
- Բանակում 5-րդ շարասյունի մասին հայտարարելեւոց հետո Փաշինյանը նաև ասել է, թե ԱԱԾ-ում էլ մաքրումների կարիք կար։ Եվ կառույցում 1 տարվա ընթացքում լրտեսության հարցերով ավելի շատ գործ է հարուցվում, ավելի շատ մարդ է ձերբակալվում, քան նախորդ 15 – 20 տարիներին՝ միասին վերցրած։
- Բանակի վերաբերյալ հարցերից մեկին պատասխանելիս Փաշինյանն ասել է, որ Առաջնագծի կահավորման հետ կապված կան խնդիրներ, բայց դրանք ֆինանսական չեն. դրանք կազմակերպչական են, ինժեներական և այլն:
Այս ժամի լուրերը՝ տեսանյութում։
