09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Սթափ եմ եղել նոյեմբերի 9-ի փաստաթուղթը ստորագրելիս. Փաշինյան․ ՏԵՍԱՆՅՈՒԹ
Քաղաքականություն
14.03.2023 | 14:29
«Դուք ասացիք, որ ՀՀ-ի և Արցախի շուրջը կա էսկալացիայի վտանգ։ Ի՞նչ է անում այդ դեպքում ՀՀ իշխանությունը։ Ասում եք, որ կարմիր գծեր կան։ եթե դրանք հատվեն, հրաժարական կտա՞ք»,-այսօր հրավիրված ասուլիսում Նիկոլ Փաշինյանը պատասխանելով այս հարցին՝ նշեց․ «Ես ՀՀ պատմության մեջ ամենաշատ հրաժարական ներկայացրած ղեկավարն եմ։ Ձեր ասածը մի քանի անգամ տեղի է ունեցել։ Հրաժարական էլ է եղել, փաստաթուղթ ստորագրելն էլ է եղել, չստորագրելն էլ։ Ձեր ասածը տեսական չէ»։
«Եռակողմ հայտարարությունը, որ ստորագրել էի, ես էլ երջանիկ չէի։ Կաբինետում եղած քաղաքական թիմի, ԱԽ անդամներից գիտեն, թե ինչ պայմաններում և ինչ վիճակում եմ ստորագրել։ Վիճակը, ամենակարևորը, սթափ է եղել։ Ծանր է եղել և տեսել եմ, որ այդ թղթի իրագործմամբ ՀՀ-ն և ԼՂ-ն կարողանում են իրենց շահերը հետապնդել։ Այն ժամանակ դա կապիտուլյացիա անվանվեց, բայց այսօր ՀՀ թե՛ ընդդիմության, իշխանության ներկայացուցիչները, թե՛ իրավապաշտպաններն ամեն օր հղում են անում այդ եռակողմ հայտարարությանը։ Միջազգային դատարանն իր որոշումը Լաչինի միջանցքի վերաբերյալ հիմնավորվել է եռակողմ հայտարարությամբ»։
Փաշինյանի դիտարկմամբ՝ մեր խնդիրն է երաշխիքների ինստիտուտի բացակայությունը կամ չգործելը, որի հետևանքով այդ եռակողմ հայտարարությունը չի գործում։ Եթե ուղիղ ասենք, ապա ես ասել եմ, թե ինչ կստորագրեմ։ Չեմ ստորագրի մի բան, որ հետագայում չկարողանամ ձեր աչքերի մեջ նայել․․․
Ես խնդիրը գիտեմ ամբողջ խորությամբ՝ գենետիկ մակարդակում և գիտեմ նաև լուծումները։ Կստացվի՞, չգիտեմ՝ մի պատճառով, որովհետև այսօրվա աշխարհում չկա մի ղեկավար, որը գիտի, թե մի ամիս հետո ինչ է լինելու»։
Մանրամասները՝ տեսանյութում։
