13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ՌԴ-ն Թուրքիայի իշխանությունների հետ քննարկում է բեռների տարանցման արգելափակման հարցը
Քաղաքականություն
14.03.2023 | 14:36
ՌԴ-ն Թուրքիայի իշխանությունների հետ կապի մեջ է ապրանքների տարանցման արգելափակման հարցով։ Այս մասին հայտարարել է ՌԴ ԱԳ փոխնախարար Ալեքսանդր Գրուշկոն, գրում է ՌԻԱ Նովոստին։
«Հիմա մենք կապի մեջ ենք թուրքական իշխանությունների հետ»,- ասել է նա՝ պատասխանելով ռուսական բեռների տարանցման արգելափակման մասին հարցին։
Հավելենք, որ «Կոմերսանտը», վկայակոչելով ռուսական լոգիստիկ ընկերություններին, հայտնել էր, որ Թուրքիան արգելափակել է պատժամիջոցների տակ գտնվող ապրանքների տարանցումը դեպի Ռուսաստանի Դաշնություն զուգահեռ ներմուծման համար։ Թուրքիայում Ռուսաստանի դեսպանատունը և առևտրային առաքելությունն ավելի ուշ հայտարարեցին, որ դիվանագետները հետաքննում են մի շարք ռուսական ընկերությունների առևտրային գործառնությունների ընթացքի հետ կապված դժվարությունների հանգամանքները։
Միջազգային մամուլում ևս հրապարակումներ տարածվեցին, որ մարտի 1-ի Թուրքիան արգելափակել է պատժամիջոցների տակ գտնվող ապրանքների տարանցումը, թեև պաշտոնապես չի հայտարարել։
Էմմա Չոբանյան
