05.11.2024 | 16:41
Վիենի քաղաքապետի գլխավորած պատվիրակությունն այցելել է Սյունիք
Վրաստանում եվրոպացի դիվանագետների հետ քննարկվել է ԵՄ-ին երկրի ինտեգրման գործընթացը
Քաղաքականություն
14.03.2023 | 13:47
Վրաստանի վարչապետ Իրակլի Ղարիբաշվիլին ու Եվրամիության և Եվրահանձնաժողովի արտաքին գործողությունների ծառայության ներկայացուցիչները Թբիլիսիում կայացած հանդիպման ժամանակ քննարկել են ԵՄ-ին երկրի ինտեգրման գործընթացը։ Այս մասին հայտնել է Վրաստանի կառավարության մամուլի ծառայությունը, գրում է Lenta-ն։
«Կառավարության ղեկավարը եվրոպացի դիվանագետների հետ քննարկել է Վրաստանի եվրաինտեգրման գործընթացը ոչ պաշտոնական միջավայրում: Թբիլիսիում տեղի կունենա ԵՄ դեսպանների բարձր մակարդակի տարածաշրջանային համաժողովը, որը կազմակերպել է ԵՄ գրասենյակը»,- ասվում է հաղորդագրության մեջ:
Առաջիկա հանդիպմանը կմասնակցեն Եվրամիության և Եվրահանձնաժողովի բարձրաստիճան ներկայացուցիչներ, այդ թվում՝ Կենտրոնական Ասիայի երկրներում ԵՄ պատվիրակությունների ղեկավարները, Արևելյան գործընկերության նախաձեռնությունը, ինչպես նաև Թուրքիան և Ավստրիան։
Ֆորումի մասնակիցները, որի անցկացման ժամկետները չեն նշվում, երեքշաբթի հանդիպել են Վրաստանի վարչապետի հետ։
«Ինչպես նշվել է պաշտոնական նախաճաշի ժամանակ՝ Վրաստանում դեսպանների համաժողովն ընդգծում է Վրաստանի նշանակությունը տարածաշրջանում Եվրամիության համար»,- հավելել է կառավարության մամուլի ծառայությունը։
Տաթև Ֆռանգյան
