05.11.2024 | 15:41
Արմեն Գրիգորյանը հանդիպել է իրանական վերլուծական կենտրոնների փորձագետների հետ
Ռուսաստանի և ՄԱԿ-ի միջև հացահատիկային գործարքի երկարաձգման շուրջ բանակցություններ են սկսվել
Քաղաքականություն
13.03.2023 | 18:25
Ժնևում մեկնարկել են ՄԱԿ-ի պաշտոնյաների և ՌԴ փոխարտգործնախարար Սերգեյ Վերշինինի միջև բանակցությունները հացահատիկի գործարքի երկարաձգման շուրջ։ Այս մասին հաղորդում է Reuters-ը, որին վկայակոչում է BBC-ի ռուսական ծառայությունը։
Գործարքի ժամկետը լրանում է մարտի 18-ին։ Այն ստորագրվել էր 2022 թվականի հուլիսին Թուրքիայի, ՄԱԿ-ի, ՌԴ-ի և Ուկրաինայի միջև։
Ռուսական կողմը բազմիցս հայտարարել է, որ կերկարաձգի գործարքը՝ միայն գյուղմթերքի արտահանման վրա ազդող սահմանափակումների վերացման դեպքում։ Չնայած բոլոր հակասություններին՝ փորձագետները կարծում են, որ գործարքը կերկարաձգվի։
Անցյալ շաբաթ ՄԱԿ-ի գլխավոր քարտուղար Անտոնիո Գուտերեշը ժամանել էր Կիև՝ Ուկրաինայի նախագահ Վլադիմիր Զելենսկիի հետ բանակցությունների։
«Ռուսաստանը և Ուկրաինան, հավանաբար, չեն ստանա այն ամենը, ինչ ցանկանում են, բայց ես կարծում եմ, որ ներմուծող երկրները կուլիսներում լոբբինգ են իրականացնելու գործարքը երկարաձգելու համար»,- ասել է StoneX-ի ապրանքային ռիսկերի մենեջեր Մեթ Ամերմանը։
Էմմա Չոբանյան
