24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
«Վագները» գրոհում է Բախմուտը մի քանի ուղղություններով․ Ուկրաինայի ՊՆ
Քաղաքականություն
13.03.2023 | 16:22
«Վագների» վարձկանները գրոհում են Բախմուտը մի քանի ուղղություններով, փորձում են ճեղքել ուկրաինական զորքերի պաշտպանությունն ու շարժվել քաղաքի կենտրոնական շրջաններ։ Այս մասին հայտնել է Ուկրաինայի ցամաքային զորքերի հրամանատար Ալեքսանդր Սիրսկին, փոխանցում է BBC-ի ռուսական ծառայությունը։
Նրա խոսքով՝ Բախմուտի շուրջ իրավիճակը «բարդ է»։
«Կոշտ մարտերի ընթացքում մեր պաշտպանները թշնամուն զգալի վնաս են հասցնում։ Հրետանու կրակով, տանկերով, կրակային այլ միջոցներով պատասխանում են քաղաքը գրավելու հակառակորդի փորձերին»,- հայտարարել է նա։
Պատերազմի ուսումնասիրության ամերիկյան ինստիտուտի տվյալներով՝ մարտի 8-ի դրությամբ՝ ռուսական զորքերի կողմից վերահսկվել է Բախմուտի տարածքի շուրջ 50%-ը։
Նախօրեին Ուկրաինայի արտաքին գործերի նախարար Դմիտրի Կուլեբան գերմանական Bild am Sonntag-ին տված հարցազրույցում այսպես էր մեկնաբանել Բախմուտի պաշտպանությունը շարունակելու՝ Կիևի որոշումը. «Եթե հեռանանք Բախմուտից, ի՞նչ կփոխվի. կգրավի Բախմուտը և կշարունակի հարձակումը Չասով Յարի վրա, այնպես որ՝ Բախմուտից այն կողմ ցանկացած հաջորդ քաղաք կարող է արժանանալ նույն ճակատագրին»։
Տաթև Ֆռանգյան
