06.12.2025 | 15:08
Մահացել է վիրաբույժ Արտավազդ Սահակյանը
Ալիևի աշխատակազմն Արցախի ներկայացուցիչներին հրավիրում է Բաքու՝ «վերաինտեգրման» բանակցությունների
Քաղաքականություն
13.03.2023 | 11:55
Մարտի 5-ին Արցախում կազմակերպված ահաբեկչական ու դիվերսիոն հարձակումից հետո, Ադրբեջանի իշխանությունները որոշել են Արցախի ներկայացուցիչներին հրավիրել Բաքու՝ այսպես ասած «վերաինտեգրման» բանակցությունների։
Ադրբեջանի նախագահի աշխատակազմը հայտնում է, որ հրավիրում է Լեռնային Ղարաբաղի հայերի ներկայացուցիչներին երկրորդ հանդիպմանը «շարունակելու վերաինտեգրման շփումները, ինչպես նաև Ղարաբաղում ենթակառուցվածքային ծրագրերի իրականացման հարցը քննարկելու համար»։ Բաքուն ցանկանում է նման հանդիպում անցկացնել առաջիկա օրերին։
Հավելենք, որ Ադրբեջանի ու Արցախի պաշտոնյաների առաջին հանդիպումը տեղի էր ունեցել մարտի մեկին Իվանյան համայնքում։ Արցախյան կողմը դադարեցրել էր Ադրբեջանի ներկայացուցիչների հետ շփումներն այն բանից հետո, երբ Բաքուն ներկայացնող ԱԺ պատգամավորը սկսել էր խոսել «վերաինտեգրման» թեմայից։ Այս ամենին հետևել էր ադրբեջանական կողմի դիվերսիոն հարձակումը, որին զոհ էր գնացել արցախցի երեք ոստիկան։
Էմմա Չոբանյան
