06.06.2026 | 14:11
Հայ շախմատիստների վերջնական արդյունքները կանանց ԵԱ-ում
Լուիս Բոնոն վերադարձել է Բաքու` Բայրամովի հետ քննարկելու Հայաստանի հետ հարաբերությունների կարգավորումը
Քաղաքականություն
10.03.2023 | 18:51
ԱՄՆ պետքարտուղարի՝ Կովկասի բանակցությունների գծով ավագ խորհրդական Լուիս Բոնոն վերադարձել է Բաքու՝ Ադրբեջանի ԱԳ նախարար Ջեյհուն Բայրամովի հետ բանակցությունների։
Հանդիպման ընթացքում քննարկվել են Ադրբեջանի և Հայաստանի միջև խաղաղության համաձայնագրի բանակցային գործընթացի ներկա վիճակը, Մյունխենի անվտանգության համաժողովի ընթացքում ղեկավարների հանդիպումից բխող հարցեր, սահմանազատման գործընթացի ներկա իրավիճակը և հեռանկարները։
«Բայրամովը նշել է, որ Հայաստանը չի կատարում եռակողմ հայտարարությամբ ստանձնած պարտավորությունները, ամբողջությամբ չի դուրս բերել զորքերը Ադրբեջանի «տարածքներից» և շարունակում է պարբերական ռազմական «սադրանքները»։ Միաժամանակ, նախարարը զրուցակցին տեղեկացրել է «հայ բնակիչների վերաինտեգրման» հարցում Ադրբեջանի դիրքորոշման մասին»,- ասվում է Ադրբեջանի ԱԳՆ-ի տարածած հաղորդագրության մեջ։
Հիշեցնենք, որ Բոնոն Բաքվում էր մարտի 6-ին, որտեղ բանակցություններ էր անցկացրել Ադրբեջանի նախագահ Իլհամ Ալիևի հետ։ Այնուհետև նա ժամանել էր Հայաստան։
Էմմա Չոբանյան
